Aukin umsvif erlendra glæpahópa. Störf lögreglu mun hættumeiri en áður var.
1 júl. 2008
Í nýútkominni skýrslu greiningardeildar RLS kemur fram að mikið fari fyrir umsvifum skipulagðra erlendra glæpahópa hér á landi en svo segir í frétt á mbl.is í dag, sem og á visir.is. Skýrslan var kynnt, af Birni Bjarnasyni, dómsmálaráðherra, í ríkisstjórn Íslands í morgun.
Fréttirnar á áðurnefndum fréttavefjum eru samhljóma frétt sem birtist á forsíðu og bls. 4. í Fréttablaðinu 24. maí s.l. Á forsíðunni er eftirfarandi haft eftir Sigríði Guðjónsdóttur, aðstoðarríkislögreglustjóra, „Þessi þróun hefur í för með sér að lögreglan stendur frammi fyrir nýjum og sérlega krefjandi verkefnum.“ Á bls. 4. í sama blaði er frétt með fyrirsögninni „Starf lögreglu mun hættulegra en áður“. Í fréttinni segir Sigríður m.a. „Aukin harka einkennir heim afbrota hér á landi. Jafnframt er ljóst að starf lögreglu er nú mun hættulegra en áður var.“
Frétt mbl.is í dag má lesa hér og fréttina á visir.is hér. Með báðum fréttunum er hlekkur á skýrslu greiningardeildar RLS.
Frétt Fréttablaðsins frá 24. maí s.l. má lesa hér.