Norskir lögreglumenn í verkfalli
29 jan. 2009
Politiets Fellesforbund – PF, (Landssamband norska lögreglumanna) boðaði til 90 mínútna verkfalls félagsmanna sinna í dag, frá kl. 11:00 – 12:30.
Ástæða verkfallsboðunarinnar er sú að verið er að mótmæla aðbúnaði norskra lögreglumanna sem og þeirri staðreynd að stjórnvöld í Noregi reyna nú að þvinga lögreglumenn til að víkja frá lagaákvæðum um hvíldartíma vegna manneklu í lögreglunni.
Verkfallsréttur norskra lögreglumanna var afnuminn árið 1959.
Frétt um verkfallið birtist á mbl.is í gær og má lesa hana hér.
Þá er og rétt að benda lögreglumönnum á umfjöllun um verkfallið á heimasíðu PF hér sem og umfjöllun Aftenposten um verkfallið hér.
Landssamband lögreglumanna styður heilshugar við félaga sína í Noregi vegna þessara aðgerða og hefur komið stuðningsyfirlýsingu á framfæri við Arne Johannessen formann PF.
Hér fyrir neðan er mynd af plakati, sem PF, lét prenta vegna þess ástands sem leitt hefur til þessarar aðgerðar norskra lögreglumanna. Myndin, á plakatinu, svipar óneitanlega til svipmynda frá því ástandi sem verið hefur í Reykjavík undanfarna daga og vikur. Plakatið sjálft, með texta, sem ritaður er við það má nálgast hér (hlekkurinn „Annonse“ hægra megin á síðunni)