„Að baki skjaldborgarinnar“
11 jún. 2009
„Að baki skjaldborgarinnar – Upplifun lögreglumanna af mótmælunum í janúar 2009“ er heiti nýrrar BA ritgerðar í félagsfræði, sem unnin var af Vilborgu Hjörnýju Ívarsdóttur. Ritgerðina byggir hún að mestu á samtölum við lögreglumenn, sem stóðu vaktina í þeim mótmælum sem áttu sér stað í miðborg Reykjavíkur í janúar 2009.
Afar athyglisverða umfjöllun, Rúnars Pálmasonar blaðamanns um ritgerðina, er hægt að lesa á bls. 8 í Morgunblaðinu í dag fimmtudaginn 11. júní. Þá er einnig umfjöllun um grein Rúnars á mbl.is, sem lesa má hér. Að síðustu er einnig fjallað um grein Rúnars, og mótmælin, í leiðara Morgunblaðsins, á bls. 26, þennan sama dag þar sem miklu lofi er lokið á störf lögreglu í kringum mótmælin.
Ljóst er, við lestur greinarinnar í Morgunblaðinu, að allt sem LL hefur haldið á lofti undanfarnar vikur og mánuði um mannfæð í og fjárskort til lögreglu á við rök að styðjast og virðist það koma skýrt fram í ritgerðinni samkvæmt greininni í Morgunblaðinu.
Áhugasamir geta lesið ritgerð Vilborgar Hjörnýjar á Skemmunni (www.skemman.is)
Þá er og rétt að benda á áhugaverða blogfærslu Jóns Vals Jenssonar vegna fréttarinnar í Morgunblaðinu en færsluna má lesa hér.