1. maí messa Lögreglukórs Reykjavíkur
30 apr. 2010
Lögreglukórinn heldur, skv. venju, árlega 1. maí messu sína laugardaginn 1. maí n.k, kl. 11:00. Að þessu sinni verður messan í Akureyrarkirkju.
Þá mun kórinn einnig verða með sína árlegu vortónleika, sama dag, í Þorgeirskirkju, Ljósavatnsskarði.
Tónleikarnir hefjast kl. 16:00 og aðgangseyrir er kr. 1.500,-. Á dagskránni verða fjölbreytt sönglög eftir t.a.m. Bubba Morthens (Lög og regla), Sigfús Halldórsson, Jónas Árnason, Bergþóru Árnadóttur, Megas og KK, svo einhverjir séu nefndir.
Stjórnandi kórsins er Guðlaugur Viktorsson. Einsöngvari á tónleikunum verður Eyþór Ingi Gunnlaugsson og hljómsveit skipa Gunnar Gunnarsson á píanó, Ómar Guðjónsson á gítar, Þorgrímur Jónsson á bassa og Scott McLemore á trommur.