Samgönguáætlun 2009 – 2012
15 jún. 2010
Um þessar mundir er til umræðu á Alþingi Íslendinga samgönguáætlun fyrir árin 2009 – 2012. Áætlunin ber með sér þann mikla niðurskurð sem boðaður hefur verið í öllum útgjöldum hins opinbera. Við yfirlestur hennar má m.a. finna eftirfarandi texta úr kafla 6:
„Á árinu 2010 er reiknað með þó nokkrum niðurskurði í umfangi umferðaröryggisáætlunar. Skorið verður niður á flestum vígstöðvum; í áróðri og umferðarfræðslu sem og í verkefnum er snúa að lagfæringum á slysastöðum. Þá er tækjavæðingu lögreglunnar lokið í bili og reiknað er með að umfang umferðareftirlits lögreglu verði minna en á undanförnum árum.“
Þarna kemur það skýrt fram, sem LL hefur verið að halda fram um langa hríð, að þjónusta lögreglu mun verða skert á hinum ýmsu sviðum um ókomin ár.