Kjarasamningar á almennum vinnumarkaði að takast?
5 maí. 2011
Allt útlit er fyrir, skv. fréttum, að kjarasamningar á hinum almenna vinnumarkaði verði undirritaðir í dag en gert hafði verið ráð fyrir því að gengið yrði frá þeim í gærkvöldi. Það virðist hinsvegar ekki hafa tekist.
Takist það að undirrita kjarasamninga ASÍ og SA í dag, fara samningarnir í kosningu félagsmanna beggja deiluaðila og gera má ráð fyrir því að niðurstaða þeirrar kosningar liggi fyrir um eða í kringum næstu mánaðamót, ef allt gengur að óskum.
Verði gengið frá samningum ASÍ og SA í dag má, að sama skapi, gera ráð fyrir því að skriður fari loksins að komast á gerð kjarasamninga á opinbera vinnumarkaðnum.