Stofnun ársins 2013
24 maí. 2013
Þriðja árið í röð er embætti Sérstaks Saksóknara sigurveri í flokki stofnana með fleiri en 50 starfsmenn. LL óskar, enn og aftur, embættinu til hamingju með glæsilegan árangur í þessari könnun en um 50.000 starfsmenn á opinberum sem og almennum markaði fengu könnunina senda með boði um þátttöku í henni.
LL ítrekar, hér eftir sem hingað til, mikilvægi þess að allir lögreglumenn taki þátt í könnunum sem þessum, sem og öðrum könnunum sem lögreglumönnum er boðin þátttaka í, en þær eru m.a. notaðar í viðræðum við viðsemjendur LL í tengslum við úrbætur í starfsmannamálum, aðbúnaði, kjaramálum o.fl.
Sé horft til annarra löggæslustofnana má sjá eftirfarandi röðun í heildarlista stofnana:
Sýslumaðurinn á Akranesi | 12 |
Sýslumaðurinn á Ísafirði | 18 |
Sýslumaðurinn á Húsavík | 20 |
Sýslumaðurinn í Borgarnesi | 44 |
Lögreglustjórinn á Suðurnesjum | 48 |
Sýslumaðurinn í Vestmannaeyjum | 68 |
Sýslumaður Snæfellinga | 77 |
Sýslumaðurinn á Seyðisfirði | 87 |
Sýslumaðurinn á Blönduósi | 97 |
Ríkislögreglustjórinn | 118 |
Sýslumaðurinn á Selfossi | 135 |
Sýslumaðurinn á Eskifirði | 140 |
Lögreglustjórinn á Höfuðborgarsvæðinu | 143 |
Sýslumaðurinn á Akureyri | 149 |
Aðrar löggæslustofnanir virðast ekki hafa komist á listann en þar geta m.a. legið að baki ástæður eins og of lítil þátttaka.
Þeim sem vilja kynna sér niðurstöður áranna 2011 og 2012 er bent á að lesa þessa frétt á heimasíðu LL.