Launaþróunartrygging
14 feb. 2018
Í tengslum við kjarasamninga sem undirritaðir voru undir lok árs 2015 var einnig gengið frá ýmsum atriðum er varða svokallaða launaþróunartryggingu (launaskriðstryggingu) sem átti að tryggja launþegum á hinum opinbera markaði það launaskrið sem kynni að verða á almennum vinnumarkaði.
Þann 21. desember 2017 skrifaði BSRB, f.h. aðildarfélaga sinna, undir samkomulag um útfærslu þessarar launaþróunartryggingar en útreikningar sýndu þá að hækkun til aðildarfélaga BSRB vegna hennar næmi 1,3% að meðaltali.
Gengið hefur verið frá því, við fjármálaráðuneytið, að hækkun þessi verði nýtt til hækkunar á launatöflu LL en hækkunin gildir frá 1. janúar 2017 og ætti, ef allt gengur að óskum, að koma til leiðréttingar við útborgun launa þann 1. mars. n.k.