Óbreytt staða kjaraviðræðna
4 feb. 2020
Enn er engar fréttir að hafa, umfram það sem þegar hefur verið sagt frá, af gangi kjaraviðræðna opinberra starfsmanna. Sá hægagangur sem verið hefur á viðræðunum heldur áfram. Þessi staðreynd kom berlega fram á fjölmennum baráttufundi BSRB, BHM og Félags íslenskra hjúkrunarfræðinga, sem haldinn var í Háskólabíó, fimmtudaginn 30. janúar s.l.
Fundarstjóri fundarins, sem streymt var víðsvegar um landið, var Snorri Magnússon, formaður LL. Ræðu formanns LL, frá samskonar baráttufundi sem haldinn var í september 2015, geta áhugasamir lesið á heimasíðu LL.
Nánari upplýsingar sem og myndir frá fundinum má lesa á heimasíðu Sameykis hér.
Þá er hægt að horfa á fundinn í heild sinni á heimasíðu BSRB.