Útfærsla yfirvinnu 1 og 2
4 des. 2020
Eins og kunnugt er var ekki samið um nákvæmlega eins útfærslu á yfirvinnu 1 og 2 (gr. 1.5.1) hjá þeim stéttarfélögum sem sömdu um tvískipta yfirvinnu í síðustu kjarasamningum. Það á við um gildistíma, tímakaup yfirvinnu 1 og það hvenær greiða skuli yfirvinnu 2. Þetta veldur óþarfa flækjum við innleiðingu betri vinnutíma og því hefur verið tekin ákvörðun um að samræma útfærslu tvískiptrar yfirvinnu á samningstímanum.
Tvískipt yfirvinna tekur gildi 1. janúar 2021 hjá öllum stéttarfélögum sem sömdu þar um. Frá sama tíma mun eftirfarandi ákvæði gilda um yfirvinnu 1 og 2:
„Yfirvinna er greidd með tímakaupi, sem skiptist í yfirvinnu 1 og yfirvinnu 2. Tímakaup yfirvinnu 1 er 0,9385% af mánaðarlaunum en tímakaup yfirvinnu 2 er 1,0385% af mánaðarlaunum.
Greiðsla fyrir yfirvinnu skal vera með eftirtöldum hætti:
Yfirvinna 1: Kl. 08.00 – 17.00 mánudaga – föstudaga.
Yfirvinna 2: Kl. 17.00 – 08.00 mánudaga – föstudaga.
Yfirvinna 2: Kl. 00.00 – 24.00 laugardaga, sunnudaga og sérstaka frídaga.
Tímakaup yfirvinnu 2 greiðist jafnframt fyrir vinnu umfram 40 stundir á viku (173,33 stundir miðað við meðalmánuð).“
Þá hefur sömuleiðis verið ákveðið að föst yfirvinna sem er merkt sem slík í launakerfinu verði greidd sem yfirvinna 2 (1,0385%).
Sjá nánar gr. 6 í framlengingarsamkomulagi kjarasamnings LL við ríkisvaldið dags. 16. september s.l.