Föstudaginn 12. maí s.l., kl. 17:00 kynntu SFR og VR niðurstöður könnunarinnar Stofnun og Fyrirtæki Ársins 2012 á Hilton Hotel Nordica í Reykjavík.
 
Líkt og í fyrra var könnunin í ár einnig unnin í samvinnu við Fjármálaráðuneytið þ.a. ALLIR ríkisstarfsmenn áttu að hafa þess kost að taka þátt í könnuninni.  Líkt og fram kom í fyrra ættu niðurstöðurnar að vera hvatning til annarra stofnana að gera betur í starfsmannamálum og þar með í komandi könnunum.

Stofnun ársins 2012 í flokki stærri stofnana (50 starfsmenn eða fleiri) var Sérstakur Saksóknari en þetta er annað árið í röð sem stofnunin er í fyrsta sæti.  LL óskar embættinu og starfsmönnum þess innilega til hamingju með titilinn!

Í flokki minni stofnana (20 starfsmenn eða færri) hlaut titilinn Persónuvernd.  LL óskar, sömuleiðis, þeirri stofnun og starfsmönnum þess innilega til hamingju með titilinn.

Þær spurningar sem m.a. eru lagðar fram í könnuninni eru eftirfarandi:

  1. Trúverðugleiki stjórnenda;
  2. Starfsandi;
  3. Launakjör;
  4. Vinnuskilyrði;
  5. Sveigjanleiki vinnu;
  6. Sjálfstæði í starfi;
  7. Ímynd stofnunar;
  8. Ánægja og stolt.

Niðurstöðurnar fyrir þær stofnanir í könnuninni, þar sem lögreglumenn starfa, er að finna hér að neðan.

Lista, með samanburði yfir einkunnir þessara stofnanana frá því í fyrra, má nálgast á heimasíðu SFR hér.

Þar sem nokkur breyting hefur orðið á framsetningu könnunarinnar, frá því í fyrra eru hér að neðan listaðar upp upplýsingar úr heildarlista allra stofnana (þ.e. sæti á heildarlista allra stofanananna), þar sem lögreglumenn starfa, með samanburði frá árinu 2011:

 

Sæti 2012 Sæti 2011
Sérstakur saksóknari 5 8
Sýslumaðurinn á Sauðárkróki 7 5
Sýslumaðurinn í Borgarnesi 8 121
Sýslumaðurinn á Akranesi 10 30
Lögregluskóli ríkisins 16 7
Sýslumaðurinn á Seyðisfirði 24 124
Sýslumaðurinn á Húsavík 27 42
Sýslumaðurinn á Ísafirði 49 106
Sýslumaðurinn á Hvolsvelli 53 10
Sýslumaður Snæfellinga 69 17
Sýslumaðurinn á Blönduósi 76 58
Lögreglustjórinn á Suðurnesjum 90 107
Sýslumaðurinn í Vestmannaeyjum 110 110
Sýslumaðurinn í á Selfossi 149 70
Ríkislögreglustjóri 161 163
Lögreglustjórinn á höfuðborgarsvæðinu 165 157
Sýslumaðurinn á Akureyri 166 159
Sýslumaðurinn á Eskifirði 172 165

 

LL er, líkt og í fyrra, að vinna frekar úr þeim upplýsingum, sem er að finna í könnunum liðinna ára með það að markmiði að gera samanburð á niðurstöðum, fyrir öll lögregluembætti landsins til að:

a) sjá hver þróunin hefur verið þ.e.a.s. hvort lögregluembættin eru að bæta sig á milli kannana eða ekki

b) nota niðurstöðurnar í viðræðum við starfsmannaskrifstofu fjármálaráðuneytisins til, eftir atvikum, að leita leiða til að bæta árangur lögregluembættanna í komandi könnunum.

Niðurstöður þessarar samanburðarkönnunar verða birtar hér á vef LL þegar þær liggja fyrir.
Deila: