Ályktun frá LNV

Á aðalfundi Lögreglufélags Norðurlands vestra var samþykkt svohljóðandi ályktun:

“Aðalfundur Lögreglufélags Norðurlands vestra mótmælir sinnuleysi samninganefndar ríkisins gagnvart samninganefnd Landssambands lögreglumanna.  Lögreglumenn hafa verið án kjarasamnings á annað ár og lítið þokast í samkomulagsátt.  Lögreglumenn hafa sýnt mikið langlundargeð en þolinmæði þeirra er á þrotum.  Við skorum á samningsaðila að setjast niður og ná samkomulagi um nýjan kjarasamning fyrir lögreglumenn.  Lögreglumenn hafa ekki verkfallsrétt og þurfa því lögreglumenn að beita óhefðbundnum aðferðum til að leggja áherslu á stöðu sína.  Einnig velta lögreglumenn innan LNV því fyrir sér hvort að sinnuleysi viðsemjenda okkar og töf á samkomulagi hafi eitthvað með það að gera að verkfallsrétturinn sé ekki til staðar.“

Fyrir hönd aðalfundar Lögreglufélags Norðurlands vestra

Höskuldur B.Erlingsson formaður