Gerðardómur skipaður
12 maí. 2010
Þann 6. maí s.l. skipaði Ríkissáttasemjari gerðardóm í samræmi við ákvæði 3. og 4. gr. fylgiskjals með kjarasamningi LL, sem er að finna á bls. 44 í kjarasamningnum.
Nokkuð hefur dregist, af hálfu ríkisvaldsins að tilnefna sína fulltrúa í dóminn (tilnefning barst Ríkissáttasemjara 3. maí s.l.) en LL gekk frá tilnefningu fulltrúa í dóminn þann 13. apríl s.l. strax að afloknum síðasta fundi, sem haldinn var í kjaradeilunni, í húsnæði Ríkissáttasemjara.
Gerðardómurinn er skipaður eftirtöldum:
Þórir Einarsson, formaður, fulltrúi Ríkissáttasemjara
Snorri Magnússon, fulltrúi LL
Katrín Ólafsdóttir, fulltrúi fjármálaráðherra
Magnús Jónsson, varaformaður, fulltrúi Ríkissáttasemjara
Frímann Birgir Baldursson, varamaður, fulltrúi LL og
Guðmundur H. Guðmundsson, varamaður, fulltrúi fjáramálaráðherra.
Gert er ráð fyrir því að gerðardómurinn skili niðurstöðu sinni, innan 30 daga frá skipun hans, í samræmi við ákvæði 7. gr. áðurnefnds fylgiskjals sem þýðir það að niðurstaða gerðardóms, sem jafnframt er fullnaðarúrlausn kjaradeilunnar, liggi fyrir eigi síðar en 7. júní n.k.