Um 5% niðurskurður til löggæslu á næstu fjárlögum
9 júl. 2010
Í frétt á visir.is, í dag föstudaginn 9. júlí er sagt frá því að niðurskurður til löggæslumála á næsta ári verði um 5%, sem er nokkru minna en ráð hafði verið fyrir gert.
Ljóst má telja, af þessari frétt, að það sem LL hefur verið að halda fram undanfarið um m.a. minnkandi löggæslu – sem sést berlega í nýútkominni ársskýrslu Ríkislögreglustjórans – vegna skertra fjárheimilda undanfarinna ára, hefur loksins náð eyrum ráðamanna.
Þá tekur Ragna Árnadóttir, dómsmálaráðherra, einnig undir það sem fram kom í fjölmiðlum í gær (fimmtudaginn 8. júlí) með að löggæsla hafi minnkað, þar sem haft er eftir henni í fréttinni:
„Og minni akstur lögreglu þýðir einfaldlega minni löggæslu í víðfeðmum umdæmum þar sem mikils aksturs er þörf.“
Þeim sem áhuga hafa á því að kynna sér hve mikið akstur lögreglubifreiða hefur dregist saman frá árinu 2006 hjá einstaka umdæmum er bent á að kynna sér töflu á bls. 29 í ársskýrslu Ríkislögreglustjórans en hana má nálgast á rafrænu form hér.
Lesendum þessarar greinar er einnig bent á að lesa eftirfarandi greinar sem birst hafa undanfarið á heimasíðu LL:
„Öryggi lögreglumanna – fáliðun“
„Vilja sýnilegri lögreglu í Mosfellsbæ“
„Vinnueftirlitið með áhyggjur af hugsanlegri undirmönnun í lögreglu“
„Undirmönnun enn grafalvarlegt vandamál hjá lögreglunni“
Auk ofangreindra frétta er fjölda annarra frétta að finna á heimasíðu LL þar sem fjallað er um undirmönnun í lögreglu, minnkandi fjárheimildir og löggæslu.