Fundur stjórnar LL með nýjum dómsmálaráðherra
15 sep. 2010
Eins og fram kom í frétt hér á þessari síðu hér, hafði nýr dómsmálaráðherra, Ögmundur Jónasson óskað eftir því, við formann LL að eiga fund með stjórn landssambandsins. Hafði hann orð á því að þetta væri hans fyrsta formlega ósk í embætti um formlega fundi. Þetta mun hann einnig hafa staðfest í viðtali í sjónvarpsþættinum Silfur Egils á RÚV. Horfa má og hlusta á viðtalið við Ögmund, í Silfri Egils hér.
Fundur stjórnar LL með dómsmálaráðherra var haldinn í dag, miðvikudaginn 15. september. Í sem stystu máli var fundurinn afar gagnlegur og fékk ráðherra upplýsingar um ástand löggæslumála um allt land.
Þau atriði, sem m.a. voru rædd á fundinum, voru eftirfarandi:
-
Skipulagsmál, í fortíð, nútíð og framtíð;
-
Ástand löggæslumála;
-
Fækkun lögreglumanna;
-
Álag á lögreglu;
-
Launakjör lögreglumanna;
-
Verkefni lögreglu;
-
Tölfræði löggæslumála;
-
Fjárhagsstaða lögreglunnar;
-
Stjórnunarhættir í lögreglu.
Í lok fundar lýsti ráðherra því yfir að hann óskaði eftir öðrum fundi með stjórn LL við fyrsta mögulega tækifæri enda væri hann nýsestur í stól dómsmálaráðherra og ætti enn eftir að kynna sér ýmis þau mál, o.fl. til, sem rædd voru á fundinum.