Fjölnir kjörinn formaður Landssambands lögreglumanna
22 jan. 2021
Fjölnir Sæmundsson hefur verið kjörinn formaður stjórnar Landssambands lögreglumanna. Rafrænni formannskosningu lauk í hádeginu í dag, föstudag. Kosið var á milli Snorra Magnússonar, sem hefur verið formaður frá árinu 2008, og Fjölnis.
705 voru á kjörskrá en atkvæðu greiddu 519, eða 73,6%.
Atkvæði skiptust þannig:
Fjölnir Sæmundsson 391 atkvæði, eða 75,3%.
Snorri Magnússon 120 atkvæði, eða 23,1%.
Auðir seðlar voru átta.
Fjölnir telst því réttkjörinn formaður Landssambands lögreglumanna tímabilið 2021-2024. Hann mun taka við formennsku að loknu þingi sambandsins, sem haldið verður í vor.