Hver eru launin í lögreglu?

Í fjölmiðlum, undanfarnar vikur, hefur talsvert verið fjallað um kjaradeilu lögreglumanna og laun í lögreglu.  Í tilefni af þessari umræðu væri ekki úr vegi að skoða það hver grunnlaunin í lögreglu eru í raun. 

Hér er ekki að finna upplýsingar um heildarlaun, sem geta verið æði misjöfn en þau samanstanda m.a. af grunnlaunum, vaktaálagi (þar sem þess nýtur við), bakvaktaálagi þeirra sem standa bakvaktir og tilfallandi yfirvinnu, sem allt er greitt fyrir skv. ákvæðum kjarasamninga hverju sinni hjá lögreglumönnum, sem og öðrum starfsstéttum.

Hér fyrir neðan er að finna þessar upplýsingar, sem einnig má nálgast á hlekknum „Kjarasamningar“ hér til vinstri. 

 * Laun aðstoðarlögreglustjóra og aðstoðarríkislögreglustjóra eru sýnd hér sem næsta gildi í launatöflu LL þar sem þeim var raðað í launaflokka, af hálfu fjármálaráðuneytisins, áður en launatöflunni var breytt þ.a. hún næði yfir þau laun sem í raun eru greidd fyrir störfin.  Þá hafa þessar stöður ekki verið skilgreindar í stofnanasamningi og því ekki um hárnákvæmar tölur að ræða.

Þá er rétt að geta þess hér að laun Ríkislögreglustjóra og annarra lögreglustjóra eru ákvörðuð af kjararáði og eru þ.a.l. ekki sýnd hér, enda þeir sem gegna þessum stöðum ekki félagar í LL.

Að síðustu má geta þess að fullar atvinnuleysisbætur (grunnbætur) eru u.þ.b. 149.500,- kr. á mánuði og fullar tekjutengdar atvinnuleysisbætur u.þ.b. kr. 242.600,- kr. á mánuði en nánari upplýsingar um atvinnuleysisbætur má finna á vef Vinnumálastofnunar.