Staða kjaraviðræðna
8 maí. 2020
Enn mjakast hægt í samkomulagsátt í kjaraviðræðum LL við ríkisvaldið, frá þeim fréttum sem fluttar voru af stöðunni þann 30. mars sem og 7. apríl s.l. Reglulegir fundir (fjarfundir) hafa verið haldnir á milli aðila, undir stjórn Ríkissáttasemjara, sem og einn fundur þar sem viðræðunefndir aðila hittust, mánudaginn 4. maí s.l. Stóð sá fundur í tíu (10) klukkustundir.
Stytting vinnuvikunnar – kynningarefni:
Eins þegar hefur verið greint frá náðist samkomulag við heildarsamtök opinberra launþega, við ríkisvaldið, um styttingu vinnuviku dag- og vaktavinnufólks og hefur þegar verið unnið sérstakt sameiginlegt kynningarefni aðildarfélaga BSRB vegna þessa en vegna stöðunnar í þjóðfélaginu hefur ekki og var ekki unnt að halda sérstaka kynningarfundi um niðurstöðu þeirrar vinnu.
Sérstök athygli hefur áður verið vakin á þessu kynningarefni í fréttum hér á heimasíðu LL.
Þetta kynningarefni, sem lögreglumenn eru sérstaklega hvattir til að kynna sér vel, er hægt að nálgast á heimasíðu BSRB hér:
Stytting vinnuvikunnar í dagvinnu.
Stytting vinnuvikunnar í vaktavinnu.
Skil milli vinnu og einkalífs.
Jöfnun launa á milli markaða og launaþróunartrygging.
Spurt og svarað um kjarasamningana.
Kynningarglærur fyrir alla efnisflokkana.
Þá er einnig rétt að vekja athygli á því að BSRB mun verða með ítarupplýsingar um styttingu vinnuvikunnar á sérstakri sameiginlegri vefsíðu aðildarfélaganna www.styttri.is.
Fjármálaráðuneytið hefur einnig sett í loftið sérstaka kynningarsíðu vegna styttingar vinnuvikunnar, þar sem m.a. verður hægt að nálgast reiknivélar, sem sýna þann ávinning sem af styttingu vinnuvikunnar hlýst. Vefslóð þessarar síðu á vegum fjármálaráðuneytisins er www.betrivinnutimi.is.